Preguntanan frekuentemente hasí

  • Kon mi ta yega na remarke pa haña un krédito?

    Den kaso di un nesesidat di finansiamentu total te ku NAf 50.000 serka Qredits bo ta bin na remarke pa un krédito komersial, basta ku e (eventual) finansiamentunan eksistente no ta demasiado haltu.

    E dokumentunan ku bo tin, ta dependé di e kaso ku bo ta bai start ku un empresa òf ku bo tin un empresa kaba ku bo ke bai ekspandé.

    Ata aki e checklist pa e Mikrokrédito.

  • Mi bv òf sosiedat limitá tambe por apliká pa krédito serka Qredits?

    Nos ta akseptá tambe aplikashon di krédito pa un bv (sosiedat limitá). Den e kaso ei nos ta pidi pa un bòrg privá kompletu òf parsial, dependiente di e krédito pidí i e situashon, di e direktor i eventual di e akshonista(nan).

  • Un garantia ta nesesario pa por haña un fiansa?

    Nò, den hopi kaso un garantia no ta nesesario pa bin na remarke pa un fiansa serka Qredits. Den sierto situashon por sosedé ku e konsehero di empresa ta konsiderá sinembargo ku esaki ta nesesario.

  • Qredits ta tuma krédito komersial eksistente tambe ofer?

    Nò, e fiansanan di Qredits ta sirbi prinsipalmente pa invershon den aktividat komersial pa empresa.

  • Kua sektor ta ekskluí di petishon di krédito?

    Petishon ku ta kai bou di e siguiente sektornan Qredits no ta tuma den tratamentu.

    • Empresanan relashoná ku sèks i sektornan erótiko relashoná ku esaki
    • Coffeeshop (establesimentu ku ta bende mariwana)
    • Ofisina di kambio di valuta i/òf negoshi di empeñá
    • Empresa relashoná ku droga
    • Negoshi di arma
    • Empresanan komersial ku transakshon di importashon di i transakshon di eksportashon pa paisnan polítikamente i ekonómikamente instabil
  • Mi tin mester di mas ku NAf 50.000. Mi por bai Qredits e ora ei?

    Den kaso ku bo nesesidat di krédito ta mas grandi ku NAf 50.000 ta importante pa bo atendé e suma di krédito èkstra ku bo tin mester di dje, promé serka un banko por ehèmpel. E nesesidat di krédito total no mag ta mas haltu ku NAf 50.000, pues inkluso e finansiamentu di Qredits i e finansiamentu total serka un banko.

  • Ta neseario pa tin un plan di negoshi pa apliká pa un krédito inisial?

    Si, den kaso di un empresa inisial ta nesesario pa tin un esensial pa tin un bon plan di negoshi ora di evaluá bo petishon. Qredits ta ofresé diferente instrumento pa asistí den skirbimentu di un plan di negoshi. Asina bo por hasi uso di e shablon di plan di negoshi ku ta grátis. Tambe bo por bai hasi uso di nos kurso e-learning Skirbi Plan di Negoshi. Si bo ke asistente personal den skirbimentu di un plan di negoshi, e ora ei nos coachnan por yuda bo.

  • Kon largu e lapso máksimo di un fiansa ta?

    E lapso máksimo di un Mikrokrédito ta 10 aña. Qredits ta konsehá pa tene e lapso mas kòrtiku posibel. E konsehero di empresa di Qredits lo deliberá esaki ku bo.

  • Kua formanan legal ta bini na remarke serka Qredits pa un krédito empresarial?

    Petishon di empresa ku tin e siguiente formanan legal, Qredits por tuma den tratamentu: empresa ku un solo propietario, sosiedat, sosiedat kolektivo (vof), sosiedat komanditario (cv) òf sosiedat limitá (bv). Petishon di empresa ku un forma legal estranhero, manera Ltd no ta bin na remarke pa tratamentu.

  • Kon ta stipulá e término di amortisashon di mi fiansa?

    Ta stipulá e término di amortisashon a base di bo situashon personal. Pues esaki ta un asuntu di kalkulashon na midí. Generalmente e término di amortisashon ta igual na e bida ekonómiko di e aktivo.

  • Mi ta aktivo den eksterior. Mi empresa ta bini tòg na remarke pa un fiansa?

    Bo ta bin na remarke pa un fiansa ora ku e mayoria grandi di e aktividat empresarial ta tuma lugá na Hulanda.

  • E pago mensual di interes i/òf amortisashon a faya, kiko awor?

    Bo mes por hasi transakshon. E number di IBAN ku por usa ora ta hasi pago manual ta: NL75RABO0125571704 t.n.v. Qredits. Den kaso di pago manual menshoná bo number di kliente!

  • Kon Qredits ta atendé ku saneamentu di debe (WSNP) i baimentu fayit?

    Den kaso ku un empresario tin di haber ku saneamentu di debe (WSNP) òf baimentu fayit, e por pidi eventualmente un krédito serka Qredits. Un kondishon importante siguramente ta ku a finalisá e saneamentu di debe òf e baimentu fayit.

  • Mi por paga mi krédito di starter òf krédito komersial di forma antisipá sin but?

    Den kaso di un Mikrokrédito ta posibel pa despues di e promé aña pa amortisá kada aña 10% di e suma mayó sin but. Amortisashon èkstra òf amortisashon di un solo biaha tambe ta posibel bou di kondishon. E kondishonnan mará na esaki ta pará den paragraf 6 di e lenk Algemene Kredietvoorwaarden Microkrediet.

  • Mi por hasi petishon di un krédito serka Qredits den forma di un kuenta koriente?

    Nò, Qredits ta suministrá solamente fiansa komersial te ku NAf 50.000.

  • Mi por paga amortisashon di un fiansa tambe denter di un aña?

    Paga amortisashon di un Mikrokrédito èkstra òf den un tiru denter di e promé aña ta posibel bou di kondishon. E kondishonnan mará na esaki ta den paragraf 6 di e lenk Algemene Kredietvoorwaarden Microkrediet.

  • Kon lihé mi por disponé di e fiansa?

    Qreditsta purba di duna bo klaridat denter di un kinsena despues di un kombersashon ku e konsehero di empresa. Den kaso di aprobashon ta traha e aktanan nesesario i ta manda esakinan. Despues di resepshon di e aktanan firmá, ta hasi transakshon di e krédito pa bo kuenta komersial denter di 5 dia di trabou.

  • Mi ta bin na remarke pa un fiansa serka Qredits sin propio aporte (kapital i/òf bien)?

    Si, en prinsipio no ta nesesario pa tin propio aporte pa por bini na remarke pa un fiansa serka Qredits.

  • Mi empresa ta eksistí kaba algun aña, mi por haña sinembargo un krédito serka Qredits?

    Si, Qredits ta suministrá fiansa komersial na empresario inisial i empresario eksistente ku tin un nesesidat di krédito máksimo di NAf 50.000.

  • Qredits ta pidi un bòrg?

    Qredits no tin e stándart di pidi un bòrg. Dependiente di e kalkulashon di riesgo total di e plan di negoshi por puntra e empresario den ki grado un hende por duna garantia pa e fiansa. Un bòrg en general ta oumentá e chèns di haña un finansiamentu.

  • Kon Qredits ta atendé ku un finansiamentu kombiná?

    Den kaso di un finansiamentu kombiná ta di importansia pa Qredits ku e finansiamentu bankario ta aprobá promé. Seguidamente bo por hasi bo petishon na Qredits. E finansiamentu bankario ku a pidi no tin mag di ta mas ku NAf 50.000

  • Semper bo ta haña un guiadó ora bo sera un krédito serka Qredits?

    Nos ta avisa coaching ora bo sera un fiansa. Meta di e coach di empresa ta pa yuda bo krea un éksito di bo empresa.

  • Ta nesesario pa aportá propio kapital?

    Nò, esaki no ta nesesario pa definishon, pero ta dependé di bo plan di negoshi i presupuesto di invershon. Nos lo husga kada petishon individual kon leu e riesgo total ta akseptabel pa suministrá fiansa sin propio aporte. Aporte di propio kapital en general ta oumentá e chèns di haña finansiamentu.

  • Semper bo ta haña un guiadó ora bo sera un krédito serka Qredits?

    Nos ta avisa coaching ora bo sera un fiansa. Meta di e coach di empresa ta pa yuda bo krea un éksito di bo empresa.

  • Dikon Qredits ta ofresé coaching i guia na empresario?

    Coaching di empresario, banda di suministro di Mikrokrédito, ta un komponente importante di e servisio di Qredits. Dor di pone coach disponibel e impresario ta risibí atenshon i guia personal pa oumentá e oportunidat ku su empresa lo tin éksito.

  • Ki ora mi por haña un coach di Qredits?

    Qredits ta ofresé trayekto di coaching na empresario insial i eksistente ku a risibí un krédito di Qredits.

  • Mi por haña un coach tambe ora mi no a haña un Mikrokrédito serka Qredits?

    Nò, solamente empresario ku tin nesesidat òf ku a risibí krédito serka Qredits, por bini na remarke serka Qredits pa un coach personal.

  • Ku kiko un coach di Qredits por yuda mi?

    Nos coachnan ta kompartí boluntariamente nan konosementu, eksperensia i reda di kontakto. Pa medio di konseho práktiko nan ta yuda empresarionan ku kresementu di nan empresa.

  • Ken e coachnan di Qredits ta?

    E coachnan di Qredits ta (eks)empresarionan i profeshonalnan for di diverso ramo di negoshi i organisashon. Tur coach tin afinidat ku e bida di empresa i gustosamente nan ke empeñá boluntariamente nan konosementu i eksperensia pa yuda bo mas aleu ku problemátika pa kua bo no tin un solushon direktamente.

  • Kon un trayekto di coaching ta?

    E trajekto di coaching ta kuminsa ku un deliberashon kaminda e coach ta traha afsprak pa ku e momentunan di kontakto. Ademas ta stipulá e meta di e trayekto di coaching (ki ora e trayekto tin éksito). Pa finalisá e trayekto ta tuma lugá un entrevista di evaluashon den kua ta evaluá si a alkansá e meta. Tambe bo eksperensianan komo empresario ku e trayekto di coaching ta bini dilanti. E trayekto di coaching sin krédito tin un durashon di seis luna i ta enserá kuater te seis entrevista. E trayekto di coaching ku krédito tin un durashon di diesdos luna i ta enserá por mínimo diesdos entrevista.

  • Na unda mi por entrega un keho tokante mi trayekto di coaching?

    Ora ku tin asuntu ku bo no ta kontentu kuné, bo por mèldu esaki na e departamentu di coaching di Qredits, alkansabel na telefòn 0900 – 77 33 487.

  • Kua kondishonnan ta aplikabel?

    Riba tur kompra di Qredits ta apliká nos kondishonan general (klek riba e lenk pa downloaden nan komo un fail di pdf).

  • Ta posibel pa tene un entrevista di sera konosí adelantá ku un coach di Qredits?

    Nò, lamentablemente no ta posibel pa tene un entrevista di sera konosí adelantá ku un coach di Qredits.

    Qredits ta dediká hopi kuido i atenshon na selekshon i kalidat di e coachnan. Nos ta pidi e coachnan pa traha un profil kompletu i konkreto, di manera bo por hasi un bon eskoho di un coach.

    E proseso ta hinká di tal manera den otro ku bo mes por selektá un coach, ku apénas ta haña mal kombinashon entre empresario ku coach. Si talbes por resultá ku no ta sali bon ku e coach e ora ei bo por tuma kontakto ku e departamentu di Coaching pa medio di e-mail, na coaching@qredits.nl. E ora ei bo ta haña un oportunidat di un solo biaha pa skohe un otro coach pa medio di Plasa di Coaching (Coachingsplein).

  • Mi por prolongá mi trayekto di coaching?

    Na momentu ku e periodo di e trayekto di coaching a kaduká, ta posibel pa prolongá bo trayekto di coaching ku bo coach aktual. Tuma kontakto ku e konsehero di negoshi pa esaki.

  • Mi no a risibí un kontesta riba mi pregunta. Kiko awor?

    Bo no ta mira bo pregunta? Tuma kontakto ku e filial di Qredits na Curacao. Por mail nos na curacao@qredits.nl

  • Ta neseario pa tin un plan di negoshi pa apliká pa un krédito inisial?

    Si, den kaso di un empresa inisial ta nesesario pa tin un esensial pa tin un bon plan di negoshi ora di evaluá bo petishon. Qredits ta ofresé diferente instrumento pa asistí den skirbimentu di un plan di negoshi. Asina bo por hasi uso di e shablon di plan di negoshi ku ta grátis. Tambe bo por bai hasi uso di nos kurso e-learning Skirbi Plan di Negoshi. Si bo ke asistente personal den skirbimentu di un plan di negoshi, e ora ei nos coachnan por yuda bo.

  • Pakiko e shablon di plan di negoshi ta sirbi?

    Ekspertonan finansiero di Qredits a desaroyá e shablon di plan di negoshi. Dor di yena e plan akí bo ta haña un bon bista di loke bo ke realisá komo empresario, kon bo ta bai hasi esaki i kiko bo tin mester pa esaki. E ta kontené tur elemento nesesario ku bo tin mester pa un plan di negoshi total.

    E plan di negoshi bo por usa pa bo mes, pa bo partner(nan) komersial i naturalmente pa hasi petishon di un krédito serka Qredits.

  • Kiko e kurso e-learning Skirbi Plan di Negoshi ta?

    E kurso e-learning Skirbi Plan di Negoshi ta un método edukativo online den kua bo ta skirbi bo propio plan di negoshi den 6 kapítulo. Esaki bo ta hasi a base di ehèmpel, video, eksperensia di otro i tarea. E kapítulonan ta basá riba e shablon di plan di negoshi di Qredits.

    Skirbi un plan di negoshi por resultá un kibramentu di kabes grandi. E kurso e-learning ta hasi e skirbimentu di un plan asina algu simpel i animá. Ta algu úniko ku ora bo finalisá e kurso e-learning, na final bo ta disponé di un plan di negoshi konkreto ku bo por usa pa bo mes, pa bo eventual partner(nan) komersial i naturalmente pa e petishon di un krédito serka Qredits.
  • Ku kua spesifikashonnan tékniko mi kòmpiuter tin ku kumpli pa mi por sigui un kurso e-learning?

    E kurso e-learning ta traha den bo browser di internèt. Pa esaki bo tin mester di un vershon moderno di por ehèmpel Internet Explorer, Firefox, Safari òf Google Chrome. Bo por sigui e kurso e-learning solamente online, pues un konekshon di internèt ta nesesario. Nos ta rekomendá bo pa paga e eventual 'pop-up blocker' ora ta bai hasi uso di e kurso e-learning.

  • Kua software òf programa ta nesesario pa por traha ku e kurso e-learning?

    Bo tin un konekshon di internèt ku ta funshoná bon i un browser di internèt moderno. Na final di e kurso e-learning bo ta download bo propio plan di negoshi (un *.docx/Word fail) i un plan finansiero (un *.xlsx/Excel fail) ku ta habri den mayoria di e programanan di Office. Atenshon: Numbers riba Apple kòmpiuter no por funshoná korektamente ku e plan finansiero di Excel, Den e kaso akí nos ta rekomendá pa usa un programa online manera Google Spreadsheet.

  • Mi por traha e kurso e-learning riba diferente kòmpiuter òf ta solamente riba e mes kòmpiuter?

    Ku bo datonan di entrada (inlog) bo por realisá entrada den e kurso e-learning riba por máksimo 3 diferente kòmpiuter den e kurso e-learning. Atenshon: Despues di esaki ta blòkia bo kódigonan di entrada.

  • Kon largu mi por hasi uso di e kurso e-learning?

    E datonan di entrada pa e kurso e-learning ta keda bálido durante 3 luna. Pa e kurso e-learning Skirbi Plan di Negoshi tin masoménos 16 ora. Asina bo kaba finalisá bo kurso e-learning bo ta download bo plan di negoshi den un fail di WORD. Bo por warda esaki riba bo kòmpiuter i bo por adaptá esaki kualke momentu. Pa esaki bo no tin mester mas di e kurso e-learning.

  • Mi por prolongá e fecha di balides di e kurso e-learning?

    Por prolongá e kurso e-learning un solo biaha sin ningun gastu.

  • E datonan ku mi hinka den e programa durante e kurso e-learning ta protehá?

    Si. Loke ku bo hinka den e programa durante e kurso e-learning ta tuma lugá via un konekshon sigurá. Dato ku bo hinka den e programa, no ta partisipá esakinan ku terser partido.

  • Kon Qredits ta atendé ku e privasidat di mi datonan ku a hinka den e programa?

    Naturalmente Qredits ta konsiderá bo privasidat importante. Nos lo no hasi uso di bo datonan pa metanan komersial sin bo outorisashon.

  • Kuantu tempu di trabou mi tin ku e kurso e-learning akí?

    Skirbimentu di un bon plan di negoshi ta tuma bastante tempu. Pa un bon resultado bo tin un trabou di un promedio di 16 ora.

  • Mi tin ku ehekutá e kurso e-learning kompleto den 1 solo seshon?

    Bo por interumpí e kurso e-learning mes tantu biaha ku bo mes ta deseá, pa por sigui na un otro momentu despues. Datonan ku a hinka den e programa ta keda wardá.

  • E sekuensia di e módulonan e-learning ta fiho?

    Nò. Bo mes por disidí kua kapítulo (módulo) di e plan di negoshi bo ta ehekutá den ki sekuensia i ki ora. E sekuensia di e kapítulonan ta esun di mas lógiko si.

     

  • Unda mi por entregá keho kontra e kurso e-learning?

    Den kaso ku bo no ta satisfecho ku e kurso e-learning bo por entregá un keho via nos website.

  • Despues di e kurso e-learning mi ta disponé di mi propio plan di negoshi total?

    Si, despues di a sigui e kurso e-learning bo tin un plan di negoshi kompletu i òrdènt. Ku esaki bo por bai start bo empresa bon prepará.

  • Kon mi ta saka mi plan di negoshi for di e kurso e-learning?

    Na momentu ku bo a finalisá hinter e kurso e-learning i bo a yena tur kos den e kurso, ta posibel pa download bo plan di negoshi. E plan akí bo por warda komo un fail di Word i despues bo mes por adaptá e kontenido.

  • Bo ta traha un plan finansiero tambe huntu ku e plan di negoshi?

    Ku ehekushon di e kurso e-learning bo ta traha tambe un plan finansiero pa bo empresa. E plan finansiero akí bo por, banda di bo plan di negoshi, download komo un fail di Excel.

  • Mi mester a ehekutá e kurso e-learning kompletu promé ku mi por tin un plan di negoshi?

    Pa bo por disponé di un plan di negoshi kompletu bo mester a yena tur e kuadronan pa informashon. Pero bo por download entretantu (un vershon inkompletu di) e plan i warda òf imprimí esaki.

  • Mi por aserká kualke banko pa un krédito ku e plan di negoshi akí?

    E plan di negoshi ku bo traha ku e kurso e-learning akí kualke banko por akseptá. Esaki no ta nifiká si ku bo ta haña berdaderamente un krédito. Tokante esaki kada banko ta disidí segun nan propio reglanan. Si ta asina ku ta atendé ku tur tópiko esensial di un plan di negoshi.

  • Kon mi ta yega na un account?

    Qredits ta suministrá 'vouchers' pa kuminsa ku e kurso di 'e-learning'

  • Ki ora ami ta bin na remarke pa coaching personal?

    E kurso e-learning ta desaroyá spesialmente pa duna guia den skirbi independientemente bo mes plan di negoshi. Pero si bo no por logra bo so, e ora ei probablemente guia personal den forma di un coach personal por ta algu pa bo. Klek akí pa nos posibilidatnan di coaching.

  • Mi a lubidá mi yabi di entrada. Kiko awor?

    Klek aki pa hasi kambio di bo yabi di entrada.

     

     

Preguntanan frekuentemente hasí